ڈپریشن اور اینگزائٹی کے لمحوں میں ، اللہ تعالیٰ کو کیسے یاد کریں؟

مجھے محسوس ہوا “و ھو” سے شروع ہونے والے اسمائے مبارکہ کے بیان میں ایک طرح کی یاد دہانی ہے ، کہ پریشان ہونے کی ضرورت نہیں ہے ، وہ ہے تیری داد رسی کرنے والا ، تیری ڈھارس بندھانے والا ، تجھے آسرا دینے والا ۔

میں نے سوچا ان اسمائے مبارکہ کو قرآن کریم سے سرچ کر کے ایک مضمون میں لکھ دوں ، کہ کیسی کیسی سچوایشنز میں بندہ انہیں یاد کر سکتا ہے ، اور دہرا سکتا ہے ۔ بات یہ ہے کہ بندہ یہ نام اپنے لئے بھی دہرائے ، اور اپنے علاوہ کسی اور کو ان حالات میں پھنسا دیکھے تو اس کے لئے بھی دہرائے ۔ ضروری یہ ہے کہ وہ پہلے کسی اور کے لئے یہ اسمائے مبارکہ دہرا چکا ہو ، تو اس کے اپنے لئے بھی اثر ہو گا ۔ اور ضروری نہیں کہ کسی کو ان سب سچوایشنز کا سامنا ہو ، جس سچوایشن کا سامنا ان دنوں ہے ، اس سے متعلقہ یا اس سچوایشن سے قریب ترین سچوایشن کے اسمائے مبارکہ دہرا لے ، ایک دو تین چار پانچ بار ، جتنی بار آسانی سے ہو سکے ، اللہ تعالیٰ کا تصور کر کے ، اپنی بے بسی کا اظہار کر کے ، اور اگر اپنی غلطی ہے تو اس غلطی کی معافی مانگ کر ۔ رہ رہ کر ، یا دن رات ، یا سارا دن تصور کرنا چاہے ، تو اور بھی اچھی بات ہے ۔ اللہ تعالیٰ نے کس کس موقعہ پر آپ کو حوصلہ دیا ہے ، آپ کا کام ان مواقع پر اسے یاد کرنا ہے ، باقی اس کا کام ہے :یہ سب کام آپ کے ساتھ ہو رہے ہوں ، یا کسی اور کے ساتھ ، آپ نے کچھ اسی طرح سوچنے کی کوشش کرنی ہے جب کوئی آپ پر ، یا کسی اور پر الزام لگا رہا ہو تو آپ سوچیں : وَهُوَ بِكُلِّ شَىْءٍ عَلِيمٌ .

جب کوئی آپ کی یا کسی اور کی بات پر یقین نہ کر رہا ہو تو آپ سوچیں : وَهُوَ ٱلسَّمِيعُ ٱلْعَلِيمُ جب کوئی آپ پر یا کسی اور پر خواہ مخواہ کے فتوے لگائے تو آپ سوچیں : وَهُوَ رَبُّنَا وَرَبُّكُمْ وَلَنَآ أَعْمَٰلُنَا وَلَكُمْ أَعْمَٰلُكُمْ وَنَحْنُ لَهُۥ مُخْلِصُونَ جب کوئی آپ کو ، یا کسی اور کو اپنے جاہ و منصب سے مرعوب کرے تو سوچیں : وَهُوَ ٱلْعَلِىُّ ٱلْعَظِيمُ جب کوئی آپ کی یا کسی اور کی مدد سے ہاتھ کھینچ لے تو سوچین : وَهُوَ خَيْرُ ٱلنَّٰصِرِينَ جب ہر چیز اپنے یا کسی اور کے خلاف جاتی ہوئی محسوس ہو رہی ہو تو سوچیں : وَهُوَ عَلَىٰ كُلِّ شَىْءٍ قَدِيرٌۢ جب آپ کو ، یا کسی اور کو بھوک اور فاقوں کا خوف محسوس ہو رہا ہو تو سوچیں : وَهُوَ يُطْعِمُ وَلَا يُطْعَمُ جب کوئی آپ پر یا کسی اور پر قہر ڈھائے تو سوچیں : وَهُوَ ٱلْقَاهِرُ فَوْقَ عِبَادِهِۦ جب آپ کو یا کسی اور کو کوئی مدد نہ پہنچ رہی ہو کسی سے تو سوچیں : وَهُوَ ٱلْحَكِيمُ ٱلْخَبِيرُ جب آپ کو یا کسی اور کو آپ کے مطابق حق نہ ملے تو سوچیں : وَهُوَ خَيْرُ ٱلْفَٰصِلِينَ جب آپ کو یا کسی اور کو مزدوری ملنے میں دیر ہو رہی ہو تو سوچیں : وَهُوَ أَسْرَعُ ٱلْحَٰسِبِينَ .
جب آپ کو یا کسی اور کو بلا وجہ قصور وار ٹھہرایا جائے تو سوچیں : وَهُوَ ٱلَّذِىٓ إِلَيْهِ تُحْشَرُونَ جب کوئی آپ کی یا کسی اور کی طرفداری کرنے والا نہ ہو تو سوچیں : وَهُوَ عَلَىٰ كُلِّ شَىْءٍ وَكِيلٌ .

جب کوئی آپ کی یا کسی اور کی خوبیوں کو نظر انداز کر رہا ہو تو سوچیں : وَهُوَ ٱللَّطِيفُ ٱلْخَبِيرُ جب کوئی آپ کو یا کسی اور کو خواہ مخواہ گمراہ کہنے لگے تو سوچیں : وَهُوَ أَعْلَمُ بِٱلْمُهْتَدِينَ . جب کوئی آپ پر یا کسی اور پر خواہ مخواہ مسلط ہوتا جا رہا ہو تو سوچیں : وَهُوَ خَيْرُ ٱلْحَٰكِمِينَ جب اپنے ساتھ یا کسی اور کے ساتھ کوئی غیبی مخلوق محسوس کریں تو سوچیں : وَهُوَ يَتَوَلَّى ٱلصَّٰلِحِينَ جب آپ کو یا کسی اور کو زندگی گزارنا مشکل محسوس ہو رہا ہو تو سوچیں : وَهُوَ رَبُّ ٱلْعَرْشِ ٱلْعَظِيمِ جب اپنے لئے یا کسی اور کے لئے آخرت کا خیال آئے تو سوچیں : وَهُوَ ٱلْغَفُورُ ٱلرَّحِيمُ جب آپ یا کوئی اور کسی کی محبت سے محروم ہو جائیں تو سوچیں : وَهُوَ أَرْحَمُ ٱلرَّٰحِمِينَ جب آپ کو یا کسی اور کو آسمانی آفات کا خوف طاری ہوتا محسوس ہو تو سوچیں : وَهُوَ شَدِيدُ ٱلْمِحَالِ جب آپ کو یا کسی اور کو کسی غیر انسانی مخلوق کا خوف محسوس ہو تو سوچیں : وَهُوَ ٱلْوَٰحِدُ ٱلْقَهَّٰرُ جب کوئی آپ کو یا کسی اور کو آپ کی توقع کے برعکس عزت نہ دے رہا ہو تو سوچیں : وَهُوَ ٱلْعَزِيزُ ٱلْحَكِيمُ ۔
جب آپ کا یا کسی اور کا کوئی روزگار جاتا محسوس ہو رہا ہو تو سوچیں : وَهُوَ خَيْرُ ٱلرَّٰزِقِينَ ۔ جب آپ کو یا کسی اور کو کسی سخت مزاج انسان سے ملنا پڑے تو سوچیں : وَهُوَ ٱلْعَزِيزُ ٱلْعَلِيمُ جب آپ سے یا کسی اور سے کوئی محبت سے پیش نہ آ رہا ہو تو سوچیں : وَهُوَ ٱلْعَزِيزُ ٱلرَّحِيمُ ۔ جب آپ کا یا کسی اور کا کوئی ملازم بات نہ مان رہا ہو تو سوچیں : وَهُوَ ٱلْعَلِيمُ ٱلْقَدِيرُ جب آپ کا یا کسی اور کا کوئی بچہ بات نہ مان رہا ہو تو سوچیں : وَهُوَ يَهْدِى ٱلسَّبِيلَ .

جب خود پر یا کسی اور پر کسی کو غصہ کرتے ہوئے دیکھیں تو سوچیں : وَهُوَ ٱلرَّحِيمُ ٱلْغَفُورُ جب کوئی آپ کو یا کسی اور کو ڈرا رہا ہو تو سوچیں : وَهُوَ ٱلْعَلِىُّ ٱلْكَبِيرُ جب آپ کو یا کسی اور کو کوئی تنگ کر رہا ہو تو سوچیں : وَهُوَ ٱلْفَتَّاحُ ٱلْعَلِيمُ جب آپ پر یا کسی اور پر کوئی شک کر رہا ہو تو سوچیں : وَهُوَ عَلَىٰ كُلِّ شَىْءٍ شَهِيدٌ ۔ جب آپ کی یا کسی اور کی ، کوئی چیز کوئی چرا لے جائے تو سوچیں : وَهُوَ بِكُلِّ خَلْقٍ عَلِيمٌ ۔ جب آپ کے یا کسی اور کے کوئی اولاد نہ ہو رہی ہو تو سوچیں : وَهُوَ ٱلْخَلَّٰقُ ٱلْعَلِيمُ ۔ جب آپ کو اپنے لئے یا کسی اور کے لئے کسی کی ناراضگی کا خیال آئے تو سوچیں : وَهُوَ أَعْلَمُ بِمَا يَفْعَلُونَ ۔ جب خود کو یا کسی اور کو کسی سے چھپ کر کچھ کرتا ہوا دیکھیں تو سوچیں : وَهُوَ ٱلسَّمِيعُ ٱلْبَصِيرُ, جب اپنے آپ کو یا کسی اور کو مغلوب ہوتا ہوا محسوس کریں تو سوچیں : وَهُوَ ٱلْقَوِىُّ ٱلْعَزِيزُ جب اپنے آپ کو یا کسی اور کو تنہائی محسوس کرتا دیکھیں تو سوچیں : وَهُوَ ٱلْوَلِىُّ ٱلْحَمِيدُ جب آپ کو یا کسی اور کو گھر سے دور گھر والوں کی یاد ستائے تو سوچیں : وَهُوَ عَلَىٰ جَمْعِهِمْ إِذَا يَشَآءُ قَدِيرٌ جب آپ سے یا کسی اور سے کوئی فیصلہ نہ ہو رہا ہو تو سوچیں : وَهُوَ ٱلْحَكِيمُ ٱلْعَلِيمُ جب آپ کو اپنے لئے یا کسی اور کے لئے کسی کی نیت کا نہ معلوم ہو تو سوچیں : وَهُوَ عَلِيمٌۢ بِذَاتِ ٱلصُّدُورِ جب آپ سے یا کسی اور سے کوئی غلط فیصلہ ہو جائے تو سوچیں : وَهُوَ ٱلْعَلِيمُ ٱلْحَكِيمُ جب آپ کو یا کسی اور کو کوئی کسی غلط کام پر اکسائے تو سوچیں : وَهُوَ ٱلْعَزِيزُ ٱلْغَفُورُ جب آپ کا یا کسی اور کا کوئی محبت بھرا رشتہ ٹوٹ جائے تو سوچیں : وَهُوَ ٱلْغَفُورُ ٱلْوَدُودُ ۔۔۔۔۔۔۔۔۔۔۔۔۔۔۔۔۔۔۔ اللہ تعالیٰ ہمارے دلوں کو ہر حال میں اپنی یاد اور اپنے تصور سے آباد رکھے ، آمین ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

Leave a Reply

Your email address will not be published. Required fields are marked *

%d bloggers like this: